Norsk-estiske forfattermøter

På Rangøya er dialogprosjektet «Estonian-Norwegian Writers’ Dialogues» i full gang. I perioden 14.–17. august var følgjande «forfattarpar» der og hadde samtalar og intervju: Nina Lykke og Urmas Vadi, Sandra Lillebø og Kai Aareleid, Klara Hveberg og Doris Kareva samt Endre Ruset og Veronika Kivisilla. Samtalane handla om ulike emne som dei har vore inne på i sine forfattarskap – samtidig som det også er ein dokumentasjon av brubygging mellom Noreg og Estland.

Målet er at det skal bli til ei tekstsamling, men også til ein serie minidokumentarfilmar.

Prosjektet er finansiert av EØS-midlane og blir gjennomført som eit samarbeid mellom estisk forfattarforeining og Rangøya internasjonale kultursenter.

Dette arrangementet består av ein presentasjon av den norske lektoren i Tartu, Øyvind Rangøy og visning av «work in progress» av dokumentarprosjektet. Etterpå møter du Rangøy i samtale med Marianne Kõrver (regissør og klippar), Odd Sprakehaug (filmfotograf) og Klara Hveberg (forfatter).